Одржан семинарот ”Инфективни болести – нови предизвици и професионална изложеност”

На 31 октомври во хотел “Континентал” со почеток во 10 часот, Ветеринарната комора на Македонија го одржа семинарот “Инфективни болести – нови предизвици и професионална изложеност ”.  На семинарот беа присутни 150 доктори по ветеринарна медицина меѓу кој и претставници на Агенцијата за храна и ветеринарство.

Присутните имаа можност да се запознаат со новитетите во делот на заразните болести со посебен осврт на болеста на син јазик од проф. д-р Мирослав Валчиќ каде се разви и опсежна дискусија по однос на мерките за спречување на болеста. Исто така присутните имаа можност пошироко да се запознаат и со  зоонозите како ризик фактор за професионално заболување на докторите по ветеринарна медицина  од  излагањето на доц. д-р Вело Марковски.

На семинарот беше   презентирана и  новата веб страна на комората, преку која членовите на комората ќе ги добиваат сите соопштенија и новости, а истовремено  ќе имаат увид во нивната бодовна состојба од доставени сертификати како дел од континуираната едукација.

Презентации:

• Зоонозите како ризик фактор за професионално заболување на ветеринарите и ветеринарните техничари - Доц д-р Вело Марковски Факултет за медицински науки УГД - Штип
• Biologija vektora i patogeneza arbovirusa - Prof. Dr. Miroslav Valčić Fakultet veterinarske medicine Univerzitet u Beogradu
• Bolest plavog jezika - Prof. Dr. Miroslav Valčić