Приправнички стаж под менторство

Докторот по ветеринарна медицина кој завршил факултет за ветеринарна медицина, должен е да заврши приправнички стаж кој е еден од условите за издавање на лиценца за работа.

Приправничкиот стаж трае 6 месеци или 960 работни часа.

За време на приправничкиот стаж стажантот треба да се запознае и совлада со компетенциите од Правилникот за критериуми што треба да ги исполнуваат ветеринарните друштва ии докторите по ветеринарна медицина под чиј надзор се спроведува приправнички стаж и начин на спроведување на приправнички стаж.

Стручниот одбор, врз основа на барање за одобрување на приправнички стаж под менторство од кандидатот, донесува одлука за реализација на стажот со точно предвиден распоред за стажирање.

Стручниот одбор одредува/одобрува  ментор за стажантот, од листата на ментори.

Менторите за спроведување на приправничкиот стаж ги определува Стручниот одбор на Ветеринарната комора на Република Северна Македонија по претходно поднесено барање за менторство и исполнување на потребните критериумите утврдени во Правилник.

Менторот може да води најмногу 2 стажанти во исто време, кои го спроведуваат стажот.