Цели и задачи

Целта на Комората е да ги штити и застапува стручните, економските интереси и професионалната чест на своите членови и да се грижи за исполнување на професионалните обврски.

Врз основа на Законот за ветеринарно здравство и Статутот, Комората ги извршува следните задачи:

• води регистар на членовите на Комората;
• на членовите им издава, продолжува и одзема лиценца за работа;
• го контролира и следи работењето на докторите по ветеринарна медицина;
• утврдува Кодекс на професионалните етички должности и права и го следи неговото спроведување од страна на нејзините членови;
• формира Суд на честа, кој разгледува и одлучува за повредите на Кодексот од страна на членовите на Комората и води дисциплинска постапка;
• планира и организира курсеви за унапредување на професионалните способности, научните знаења и експертиза за актуелни и значајни прашања од ветеринарен интерес;
• ги утврдува најниските цени на ветеринарните услуги, освен за услугите кои се од јавен интерес;
• по барање на Агенцијата за храна и ветеринарство, дава мислење и предлози при процесот на донесување акти со кои се регулираат прашањата, условите и начинот на вршење на ветеринарната дејност;
• печати и дистрибуира обрасци на документи за спроведување на активности од јавен интерес и води евиденција за истите;
• донесува Статут на Комората;
• ја поттикнува соработката, води постапка на помирување при етичките спорови помеѓу членовите на Комората;
• обезбедува правна и професионална помош на своите членови;
• иницира покренување на постапка кај надлежните органи против лицата кои неовластено вршат  ветеринарна дејност;
• им помага на докторите на ветеринарна медицина при барање на работа;
• организира и извршува издавачка и информативна дејност;
• врши други работи и активности врз основа на јавните овластувања утврдени со Законот за ветеринарно здравство, другите закони и со Статутот на Комората.