ОДРЖАН ВТОРИОТ СЕМИНАР ОД ОБЛАСТА НА ВЕТЕРИНАРНАТА МЕДИЦИНА СО МЕЃУНАРОДНО УЧЕСТВО ВО БИТОЛА

На 13.04.2024 година во Офицерски дом-Битола се одржа Вториот Семинар од областа на ветеринарната медицина со меѓународно учество во заедничка организација на Ветеринарна комора на РСМ и Ветеринарниот факултет-Битола.

Овој настан беше повод за повеќе од 180 доктори по ветеринарна медицина од државата и регионот да се соберат на едно место, со цел размена на искуства и знаења на повеќе теми од областа на ветеринарната медицина кои ги презентираа осум предавачи.

Во склоп на Семинарот, Деканот Проф. д-р Никола Караболовски по повод 15 години Ветеринарен факултет Битола, на Претседателот на Ветеринарна комора на РСМ му додели плакета за успешната соработка помеѓу Ветеринарната комора на РСМ и Ветеринарниот факултет- Битола.