Официјална посета на високи претставници на FVE во Република Македонија

Во Република Македонија на 17 и 18.02.2026 година престојуваа високи претставници на Federation of Veterinarians of Europe (FVE) д-р Зигфрид Модер , Претседател и д-р Пјотр Квечински, Потпретседател на европската организација која ја претставува ветеринарната професија на ниво на цела Европа.

Посетата беше реализирана по покана на Ветеринарна комора на Република Македонија, во период кога ветеринарниот сектор во државата се соочува со сериозни финансиски и структурни предизвици.

Во рамките на посетата остварени се средби со:

• На 17.02.2026 година со претставник од Владата на Република Македонија, д-р Верче Мицевска, Национален координатор за безбедност на храната, ветеринарна и фитосанитарна политика.
• На 18.02.2026 година делегацијата беше примена од Директорот на Агенција за храна и ветеринарство д-р Оливер Миланов.
• Истиот ден беше одржан завршен состанок со претставници на ВКМ и беше дадена изјава за медиумите.

Целта на посетата на високите претставници на ФВЕ беше да се даде поддршка за

• Потреба од стабилизација на ветеринарно-здравствениот систем во државата
• Обезбедување одржливост на теренската ветеринарна мрежа
• Зајакнување на биосигурносните механизми
• Усогласување со европските стандарди и принципот „Едно здравје“ (One Health)

Ветеринарната професија има клучна улога во заштитата на здравјето на животните, безбедноста на храната и јавното здравје. Затоа, оваа посета претставува значаен чекор кон институционална поддршка и европска солидарност.

Главните заклучоци од одржаните состаноци се следниве:

• Потреба од итна финансиска стабилизација
• Долгорочна стратегија за одржливост и развој на ветеринарниот сектор
• Зајакнување на партнерството меѓу институциите
• Поддршка од европско ниво во процесот на реформи

Претставниците на ФВЕ ја нагласија важноста од функционален и професионално организиран ветеринарен систем како основа за национална безбедност и економска стабилност.

Оваа посета испраќа јасна порака дека ветеринарната професија во нашата држава е дел од европското професионално семејство и дека предизвиците со кои се соочува бараат системско и одговорно решавање.

Ветеринарната комора останува посветена на конструктивен дијалог и конкретни чекори во интерес на ветеринарната професија и нејзината општествена улога за заштита на јавното здравје, здравјето и благосостојбата на животните и производството на храна за населението во нашата држава.