ПОЧЕСНО ЧЛЕНСТВО ВО ЗНАК НА ПРИЗНАНИЕ ЗА ИСКЛУЧИТЕЛЕН ПРИДОНЕС

На 20 септември 2025 година, во градот Корча, Република Албанија на свечена церемонија организирана од Албанската ветеринарна комора (UPMVSH), претседателот д-р Ервин Ресули им ги врачи признанијата за доживотно почесно членство на д-р Рами Селмани, потпретседател на Ветеринарната комора на Северна Македонија, и на д-р Томислав Николовски, поранешен претседател на Комората, кој во 2017 год. ги воспостави официјалните односи преку потпишување на договор за соработка.

Ова високо признание претставува израз на благодарност за нивниот значаен придонес во развојот на ветеринарната комора на Албанија, како и за улогата во унапредувањето на соработката меѓу двете комори.

Со доделувањето на ова почесно членство, Ветеринарната комора на Македонија добива уште едно значајно признание на меѓународно ниво, а воедно се потврдува и пријателството, заемната почит и професионалното единство на ветеринарите во регионот.