Состанок со новиот директор на Агенција за храна и ветеринарство

На ден 16 јули 2024 година во кабинетот на новоназначениот директор на АХВ, д-р Оливер Миланов се одржа состанок со првите луѓе на ВКМ , Претседателот д-р Жарко Михајлоски, Потпретседателот д-р Рами Селмани, Извршниот директор д-р Томислав Николовски и Претседателот на одборот на ветеринарна пракса д-р Сашо Танасковски, кој во оваа прилика му посакаа на директорот Миланов успешна и плодна работа.

Во исклучително пријателска и конструктивна атмосфера беше разговарано за идната соработка помеѓу двете институции, во сите допирни точки на нивното функционирање.

Претставниците на двете институции изразија спремност низ процес на отворена комуникација и соработка да се направат чекори кон оптимизирање на функционалноста на ветеринарно-здравствениот сектор во нашата држава , како и интензивирање на соработката меѓу АХВ и Ветеринарната комора преку поголема застапеност на претставници од Агенцијата за храна и ветеринарство во телата и органите на Комората.

Односот на партнерство беше потврден и од двете страни , како единствено делотворен и во насока на остварување на услови за развој и унапредување на ветеринарно-здравствениот сектор и негова општествена афирмација како јавно добро .