Прва официјална средба на претставници на Ветеринарна комора на РМ со новоназначениот директор на Агенцијата за храна и ветеринарство д-р Зоран Атанасов

Делегација на Ветеринарната комора на Р.Македонија ,предводена од претседателот на ВКМ д-р Томислав Николовски, на ден 22 јуни 2017 година остварија прва официјална средба со новоназначениот директор на АХВ д-р Зоран Атанасов .
Покрај упатените честитки  и задоволството што на челната позиција на Агенцијата за храна и ветеринарство, после подолг период  е назначен доктор по ветеринарна медицина , во отворена и конструктивна атмосфера беше разговарано и за најактуелните и приоротетни  прашања на ветеринарната професија, како што се исплата на средствата за извршените активности од јавен интерес  и намалувањето на ДДВ за ветеринарни услуги и лекови .
Обострано беше заклучено дека конструктивната и блиска соработка помеѓу двете институции е неопходност и клуч за успешно спроведување на професионалните активности на докторите по ветеринарна медицина.