Одржан Стручен состанок

Со цел навремено информирање на своето членство за тековните и идните активности поврзани со здравствената заштита и благосостојба на животните и предвидените измени на ИСАХВ системот, Ветеринарна комора на Р.Македонија во соработка со АХВ на 22.03.2016 (вторник) во хотел “Континентал” со почеток во 11.00 часот одржа Стручен состанок со следната програма:

1. Спроведување на активностите согласно Годишната наредба за 2016 година
2. Презентација на модулот за домашни миленици (кучиња и мачки) во рамките на ИСАХВ.
3. Презентација на модулот за риби во рамките на ИСАХВ
4. Презентација за нови можности за континуирана едукација на докторите по ветеринарна медицина во рамките на TAIEX и Twinning проекти
5. Известување за иницијалните активности за изработка на унифициран софтвер за водење на ветеринарно-здравствена евиденција.

На состанок претставници  од Агенцијата за храна и ветеринарство детално ги презентираа активностите од Годишната наредба за здравствена заштита на животните предвидени за  2016 година, начинот на функционирање на новите модули предвидени во Информациониот систем на Агенцијата за храна и ветеринарство (ИСАХВ), како и можноста за континуирана едукација  на докторите по ветеринарна медицина во рамките на TAIEX и Twinning проекти, преку бесплатни обуки кои ќе се одржуваат во соработка со Ветеринарна комора.

Претседателот на Комората  ги информираше присутните за активностите околу изработката на унифициран софтвер за водење на ветеринарно-здравствена евиденција и ја истакна потребата од  ваков софтвер поради намалување на папиролошкото водење на евиденцијата за ветеринарните интервенции и поедноставување на  работата на докторите со што ќе се избегнат разнообраности на постапки и барања на ветеринарната инспекција.